Ang Special Economic Zone Act of 1995 (R.A. 7916) gimugna aron mapausbaw ang ekonomiya pinaagi sa pagtukod ug Special Economic Zones (Ecozones) sa nagkalain-laing dapit sa Pilipinas. Kini nga mga lugar, magsilbi isip sentro sa negosyo lakip na ang industrial estates, export processing zones, free trade zones, ug turismo centers.

Ang usa sa mga nakabenepisyo ug dako sa mao nga balaod ang Dakbayan sa Butuan, nga adunay dakong potensyal alang sa kalamboan kung matukod ang mga Ecozone.

Ang mga benepisyo:

PAGDANI SA MGA INVESTMENT – pag-abli sa daghang negosyo, lokal ug internasyonal.

PAGHATAG UG TRABAHO – paghatag ug daghang oportunidad alang sa katawhan.

PAGPALAMBO SA IMPRASTRAKTURA SA SYUDAD – mas maayong kalsada, mga bilding, ug pampublikong pasilidad.

PAG-DIVERSIFY SA EKONOMIYA – pagpakunhod sa pagsalig sa tradisyonal nga mga industriya.

Si kanhi Congresswoman Charito “Ching” Plaza ang usa sa mga nagdumala sa pagpasiugda sa balaod, nga nakakita sa potensyal sa Butuan isip usa ka nag-uswag nga sentro sa ekonomiya.

Kung mahimo nga masunod ang mga plano sa pagpalambo sa Butuan pamaagi sa pag-ugmad ug Special Economic Zones sa syudad, dako kini nga tabang dili lang sa pagpalig-on sa ekonomiya, pero lakip pud ang paghatag ug suporta sa katawhan nga nanginahanglan ug trabaho ug oportunidad sa negosyo.

Pinaagi sa husto nga implementasyon ug suporta sa gobyerno, ang Butuan makapahimulos sa mas paspas nga kalamboan sa ekonomiya. Ang Ecozones dili lang nagpasabot ug kausaban sa negosyo apan oportunidad alang sa katawhan nga nagtinguha ug mas maayong kaugmaon.